வெற்றி பஞ்சாங்கம் — தனியுரிமைக் கொள்கை

நடைமுறைக்கு வந்தது: 28 அக்டோபர் 2026 · iPhone, iPad, Mac, Apple Watch, Android செயலிகளுக்கும் இணையதளத்துக்கும் பொருந்தும்

இது மொழிபெயர்ப்பு; ஆங்கில உரையிலிருந்து வேறுபட்டால், ஆங்கில உரையே செல்லும்.

வெற்றி பஞ்சாங்கம் ஒரு தமிழ் காலண்டர் மற்றும் பஞ்சாங்கச் செயலி. உங்களைப் பற்றிய எதுவும் உங்கள் தொலைபேசியை விட்டு வெளியே போகாதபடி இதை உருவாக்கியுள்ளோம்.

நாங்கள் சேகரிக்கும் தகவல்

எதுவும் இல்லை. செயலியில் கணக்கு, பகுப்பாய்வு, விளம்பரம், கண்காணிப்பு எதுவும் இல்லை; உங்கள் தனிப்பட்ட தகவல் எதையும் எங்களுக்கோ வேறு யாருக்கோ அனுப்புவதில்லை.

இடம்

"என் இடம்" என்பதைத் தொட்டால், உங்கள் தோராயமான இடத்தைப் படிக்க செயலி அனுமதி கேட்கும். சூரிய உதயம், அஸ்தமனம், ராகு காலம் நேரங்களைக் கணிக்க மட்டுமே, அதுவும் உங்கள் தொலைபேசியிலேயே, அது பயன்படுகிறது. உங்கள் ஊரின் பெயரைக் காட்ட, தொலைபேசியின் இடச் சேவை அந்த இடத்தின் பெயரைத் தேடலாம்: iPhone-இல் இதை Apple கையாள்கிறது (Apple தனியுரிமைக் கொள்கை), Android-இல் உங்கள் தொலைபேசியின் சேவை (பொதுவாக Google, Google தனியுரிமைக் கொள்கை). இதைத் தவிர்த்து ஒரு ஊரைத் தேர்ந்தெடுக்கலாம்; தொலைபேசி அமைப்புகளில் எப்போது வேண்டுமானாலும் இட அனுமதியை நிறுத்தலாம்.

அறிவிப்புகள்

நினைவூட்டல்களை இயக்கினால், செயலி ஒவ்வொரு நாளின் பஞ்சாங்கத்தையும் உங்கள் தொலைபேசியிலேயே பார்த்து, நீங்கள் தேர்ந்த நாட்களில் அறிவிப்பு காட்டும். எதுவும் சர்வருக்கு அனுப்பப்படுவதில்லை.

உங்கள் தொலைபேசியில் சேமிக்கப்படுபவை

செயலியும் அதன் முகப்புத் திரை விட்ஜெட்டும் ஒரே அமைப்புகளைக் காட்ட, நீங்கள் தேர்ந்த மொழியும் இடமும் உங்கள் தொலைபேசியில் சேமிக்கப்படுகின்றன. செயலியை நீக்கினால் அவையும் நீங்கும்.

இணையதளம்

இணையதளத்தில் கணக்கு, பகுப்பாய்வு, விளம்பரம், வெளி நிறுவனங்களின் ஸ்கிரிப்ட்கள், எழுத்துருக்கள், கண்காணிப்பான்கள் எதுவும் இல்லை.

நீங்கள் அனுமதித்தால், நேரங்கள் நீங்கள் இருக்கும் இடத்துக்குச் சரியாக இருக்க உங்கள் உலாவி உங்கள் இடத்தைப் பகிரும். அது சுமார் 1 கி.மீ. அளவுக்குச் சுருக்கப்பட்டு உங்கள் உலாவியின் குக்கீயில் வைக்கப்படுகிறது; அன்றைய பஞ்சாங்கத்தைக் கணிக்க ஒவ்வொரு பக்கத்துடனும் எங்கள் சர்வருக்கு அனுப்பப்படுகிறது. அருகிலுள்ள ஊரின் பெயரை சர்வர் தன்னிடமுள்ள GeoNames பட்டியலிலிருந்தே கண்டுபிடிக்கிறது; எனவே உங்கள் இடம் வேறு யாருக்கும் அனுப்பப்படுவதில்லை, சர்வரில் சேமிக்கப்படுவதோ பதிவுகளில் எழுதப்படுவதோ இல்லை. நீங்கள் மறுத்தால், உங்கள் நேர மண்டலம் மட்டுமே பயன்படும்; எப்போதும் ஒரு ஊரைத் தேர்ந்தெடுக்கலாம்.

இணையதளத்தின் மற்ற குக்கீகள் உங்கள் மொழி, ஊர், பஞ்சாங்க முறை (வாக்கியம் அல்லது திருக்கணிதம்) ஆகியவற்றை மட்டுமே நினைவில் வைக்கின்றன. உங்களை அடையாளம் காணவோ கண்காணிக்கவோ அவை பயன்படுவதில்லை. எந்த இணையதளத்தையும் போல, ஒரு கோரிக்கைக்குப் பதிலளிக்கும்போது எங்கள் சர்வர் உங்கள் IP முகவரியைப் பார்க்கிறது; கோரிக்கைப் பதிவுகளை நாங்கள் வைத்திருப்பதில்லை.

இணையதளம் ஐரோப்பிய ஒன்றியத்தில் Hetzner Online நிறுவனத்திடம் வாடகைக்கு எடுத்த சர்வரில் இயங்குகிறது.

குழந்தைகள்

செயலி எல்லா வயதினருக்கும் ஏற்றது; குழந்தைகள் உட்பட யாரிடமிருந்தும் எந்தத் தகவலையும் சேகரிப்பதில்லை.

மாற்றங்கள்

இந்தக் கொள்கை மாறினால், இந்தப் பக்கத்தையும் மேலே உள்ள தேதியையும் புதுப்பிப்போம்.

தொடர்பு மற்றும் உதவி

கேள்விகள், திருத்தங்கள், கருத்துகளுக்கான மின்னஞ்சல் முகவரி விரைவில் இங்கே சேர்க்கப்படும்.